晚上在內科病房當值，最重要的工作是「收症」，即診治並處理從急症室收上來的急症病人。
晚上7時許，我走到 1A 病房，準備到1號床看這位躺在床上的女仕。之前我已經翻看着她在急症室的紀錄。
這位40多歲的女仕這幾天有尿管赤痛的情況，到私家醫生求診，驗尿後發現有尿道炎。由於化驗報告顯示尿道細菌需要靜脈注射抗生素才有效，故此被建議到醫院接受治療。
牌版上已附上女仕在私家化驗所的驗尿報告，顯示細菌對普通口服抗生素有抗藥性，但幾隻靜脈注射抗生素卻十分有效。報告更注明 Very sensitive，即非常有效。
能對症下藥，女仕的尿道炎應ˋ不難處理呢。
「你點呀？疴尿有無痛？」知道女仕有尿道炎，我直接地問。
「有呀，個肚下面同背呢個位都陰陰痛呀！你睇？」女仕頓時指着背部後腰的位置對我說。
「係，明白，尿道炎呀！咁一間要打抗生素喎。」我說。
「呀！樓下個醫生話要吊水嘅抗生素先得㗎喎，你係俾吊水嘅我㗎嘛。」女仕忽然提問。
「 你需要嘅係靜脈注射抗生素，有一樽吊水咁嘅，亦都有好似打針咁嘅，你嗰隻應該係就咁打就得㗎喇。」我嘗試解釋。
「唔係喎，樓下個醫生話一定要用一樽吊落去個啲抗生素先得㗎。」女仕顯得有點焦急，恐怕我不跟隨她的建議，便會得不到悉切的治療。
「我再解釋一次你聽，抗生素有一樽樽吊針同就咁打落去嘅，睇邊隻藥決定，都係靜脈注射嚟。同埋我地打算用個隻藥你個個驗尿報告都話非常有效㗎。」 我再次解釋。
「 醫生，唔係呢，你都係俾吊嗰隻抗生素我喇。樓下個醫生講明要吊先得㗎。」女仕顯得不大相信我。。。
有時私家醫生的一句話，勝過我們的千言萬語。人們總認為政府醫院資源小，用藥都一定將貨就價。
我再解釋一番，就離開病床走到護士站。
「話定俾你聽，1號床個病人係都話要打吊嘅抗生素先有用，就咁打嘅冇用，一間你哋去打針嘅時候，要麻煩你哋再解釋一次啦。」我對護士長說。
「得！無問題！唔該哂你話定俾我哋聽。」 護士長說。
在病房內工作，溝通是十分重要的。有什麼特別的事情，都一定要互相知會，才能令工作順暢，大家工作愉快。
Search